XI საერთაშორისო სამეცნიერო კონფერენცია „არქივთმცოდნეობა, წყაროთმცოდნეობა - ტენდენციები და გამოწვევები“ საქართველოში სახელმწიფო რელიგიად ქრისტიანობის გამოცხადებიდან 1700 წლის იუბილეს ეძღვნება.
ღონისძიება 2026 წლის 30 სექტემბრიდან 2 ოქტომბრის ჩათვლით, თბილისში, საქართველოს ეროვნული არქივში გაიმართება.
საიუბილეო თარიღის მნიშვნელობიდან გამომდინარე, იცვლება კონფერენციის ფორმატი - მასში მონაწილეობას მიიღებენ მხოლოდ სპეციალისტები, რომლებიც კონფერენციის ძირითად სამეცნიერო მიმართულებებს განსაზღვრავენ. ამ თვალსაზრისით კი განსაკუთრებული მნიშვნელობა მიენიჭა როგორც ისტორიულ მოვლენებს, ისე ამ მოვლენებთან დაკავშირებულ კონტექსტს.
კონფერენციის ძირითადი სამეცნიერო მიმართულებები:
☑️ ქრისტიანობის გავრცელება და სახელმწიფო სარწმუნოებად გამოცხადება სამხრეთ კავკასიაში;
☑️ პარალელური მოვლენები რომის იმპერიასა და სასანიანთა იმპერიაში;
☑️ მსოფლიოში გავრცელებული ნარატივები ამა თუ იმ ქვეყნის მოქცევის შესახებ;
☑️ განმანათლებლები (ქრისტიანობის გამავრცელებლები) და მათი მნიშვნელობა სხვადასხვა ქვეყანაში;
☑️ ქრისტიანობის, როგორც წიგნიერი სარწმუნოების გავრცელება (ანბანი, მთარგმნელობითი საქმიანობის განვითარება, სკრიპტორიუმები);
☑️ მონასტიციზმის ჩამოყალიბება და განვითარება;
☑️ ქართული ეკლესიის ორგანიზაციისა და მისი ტრანსფორმაციის ისტორია;
☑️ ლიტურგიკა და მასთან დაკავშირებული პრობლემატიკა;
☑️ წმინდანები და დღესასწაულები;
☑️ ქრისტიანობა და შუა საუკუნეების ისტორიოგრაფია;
☑️ ქრისტიანული ხელოვნება და კულტურა;
☑️ ქრისტიანობის გააზრება გვიან შუასაუკუნეებში;
☑️ მოდერნული ეპოქა და ქრისტიანობა.
კონფერენციის სამუშაო ენები: ქართული და ინგლისური.
იხილეთ კონფერენციის პროგრამა ⬇️