საქართველოს იუსტიციის სამინისტროს ეროვნულმა არქივმა გაერთიანებული ერების ორგანიზაციაში საქართველოს გაწევრიანებიდან 30 წლის საიუბილეოდ ამ დღის ამსახველი ფოტო და ვიდეოდოკუმენტები გამოაქვეყნა.

საარქივო მასალა ეროვნულმა არქივმა გაეროს აუდიო-ვიზუალური ბიბლიოთეკიდან და ამავე ორგანიზაციის ფოტოარქივიდან მიიღო. ამ დოკუმენტებთან ერთად სპეციალურ გვერდზე გამოქვეყნებულია ქართული პრესის გამოხმაურება საიუბილეო დღისადმი.

1992 წლის 31 ივლისს გაეროს გენერალური ასამბლეის 88-ე პლენარული სესიის 46-ე შეხვედრაზე საქართველო ორგანიზაციის 179-ე წევრი გახდა. საქართველოს ისტორიისათვის ამ განსაკუთრებული მნიშვნელობის სხდომაზე სიტყვით გამოვიდა საქართველოს პრემიერ-მინისტრის პირველი მოადგილე, საგარეო საქმეთა მინისტრი ალექსანდრე ჩიკვაიძე. ამავე დღეს გაეროს ნიუ-იორკის ოფისის წინ გაიმართა საქართველოს დროშის აღმართვის ცერემონიალი.

გაეროში გაწევრიანებისადმი მიძღვნილი გვერდი ხელმისაწვდომია ბმულზე: https://archive.gov.ge/ge/sakartvelos-gatsevrianeba-gaeroshi-1.