საქართველოს იუსტიციის სამინისტროს ეროვნული არქივი 21-24 ოქტომბერს თბილისის საარქივო ფილმების IV საერთაშორისო ფესტივალს გამართავს. წარმოდგენილი იქნება 11 ქვეყნის კინოინსტიტუციის პროგრამა.

2025 წლის ფესტივალის თემაზე „საავტორო კინო“ ქართველ მაყურებელს საკუთარ ფონდებში დაცულ ფილმებს წარუდგენენ: საქართველოს, ბულგარეთის, ესტონეთის, მოლდოვის, პორტუგალიის, გერმანიის, პოლონეთის, უნგრეთის, ხორვატიის, მალტისა და ბელგიის კინოსაარქივო ორგანიზაციები.

კინოფესტივალი 2025 წლის 21 ოქტომბერს 19:00 საათზე ეროვნული არქივის კინოდარბაზში გაიხსნება ოთარ იოსელიანის ფილმით „აპრილი“ (1962 წელი). ღონისძიებას 24 ოქტომბერს 18:15 საათზე დახურავს ქართული პროგრამის მეორე სეანსი, ელდარ შენგელაიას ფილმი „მიქელა“ (1965 წელი). ფილმს საქართველოს ეროვნული კინოცენტრი წარადგენს.

ფილმები ნაჩვენები იქნება ორიგინალ ენაზე, ინგლისური სუბტიტრებით.

პროგრამა იხილეთ ბმულზე: https://archive.gov.ge/ge/movies

დასწრება თავისუფალია.

მისამართი: ეროვნული არქივის კინოთეატრი, ვაჟა-ფშაველას გამზ. #1 / პეკინის გამზ. #40.