მიზნები და ფუნქციები:
- ახორციელებს ეროვნული საარქივო ფონდის სისტემატურ შევსებას იმ პროფილური დოკუმენტებით, რომლებსაც გააჩნია ისტორიული, სამეცნიერო, კულტურული, სახელმწიფო ან/და საზოგადოებრივი ღირებულება და წარმოიქმნა ქუთაისის მხარის (გუბერნიის) სახელმწიფო ხელისუფლების, მართვისა და თვითმმართველობის ორგანოების და შესაბამის ტერიტორიაზე მოქმედი სახელმწიფო დაწესებულებების, ორგანიზაციების, სსიპ-ების საქმიანობის პროცესში; აგრეთვე, იმ პირების, რომელთაც თავისი ცხოვრებითა და მოღვაწეობით მნიშვნელოვანი წვლილი მიუძღვით მეცნიერების, კულტურისა და საზოგადოებრივი ცხოვრების სხვა დარგების განვითარებაში;
- მუშაობს არქივის დაკომპლექტების წყარო-ორგანიზაციების და პირადი წარმოშობის დოკუმენტების მფლობელთა სიების (№№ 1, 2, 3 ) შედგენასა და განახლებაზე;
- ახორციელებს ცენტრალური არქივის დაკომპლექტების წყარო-დაწესებულებებში საქმისწარმოებისა და საარქივო საქმის კომპლექსურ და თემატურ შემოწმებებს;
- ორგანიზებას უწევს ცენტრალური არქივის სშკ-ის მუშაობას და, უფლებამოსილების ფარგლებში, ორგანიზაციულ-მეთოდიკურ დახმარებასა და კონტროლს დაწესებულებათა საექსპერტო კომისიების, საუწყებო არქივების მუშაობასა და საქმისწარმოებაში დოკუმენტთა ორგანიზაციის სრულყოფას;
- ახორციელებს ცენტრალურ არქივში დაცული საარქივო ფონდების მიზნობრივ შემფასებელ ექსპერტიზას;
- ამოწმებს დაწესებულებების საექსპერტო კომისიის, არქივის დებულებების, საქმისწარმოების ინტრუქციის, საქმეთა ნომენკლატურის შედგენის სისწორეს;
- აწარმოებს ცენტრალური არქივის დაკომპლექტების წყარო-დაწესებულებებში დაცული ეროვნული საარქივო ფონდის დოკუმენტების მოცულობისა და მდგომარეობის სტატისტიკურ აღრიცხვას.